Pyin Oo Lwin (Pin U Lun) khawpuiah Lt. colonel Kyaw Soe Aung, sipai pakhatin awm hmunah a kap hlum

Mandalay region, Pyin Oo Lwin sipai hmuna Army Communications Training School-a Vice principal Lt. colonel Kyaw Soe Aung-a, Lt. Sergeant-in an kah hlum thu hriat a ni.

Janaury 29 chawhnu khan Pyin Oo Lwin khawpuia Army Communications Training School, Bahu Kin bula security atana Officer te leh sipai te intlara thu an sawi zawh tawh hnuah Lt. Sergeant pakhat chuan Lt. colonel Kyaw Soe Aung hmaichhanah vawi 2 a kap thut a. A kah hnuah damdawi in an panpui nghal a, a thi zui nghal a ni.

An kah hlum tak Kyaw Soe Aung hi Major course vawi 42-na zir zo tawh niin Pathein khawpui atangin Pyin Oo Lwin khawpui, Army Communications Training School-ah an sawn a.

“Lt. Colonel Kyaw Soe Aung hi an intlar lai, a thu sawi zawhah Lt. Sergeant-in vawi 2 a kap a, Pyin Oo Lwin damdawi in an panpui nghal a, a thinah a kah fuh avangin darkar 2:00 hnuah a thi zui nghal tih hriat a ni” tiin Military news atanga hriat a ni.

He tualthahna avangin a kaptu hi January 29 chawhnu khan man a ni a. Lt. colonel thih chungchangah thubuai awm an hlauh avangin damlo anga sawi lan a nih thu Military news chuan a tarlang.

“Pyin Oo Lwin, commandent-in a kah hlum Lt. colonel chungchang hi an thup a, damlo ang pawhin kan la post lo. Hetiang thil thleng hi a la awm ngai lo” tiin Military news chuan a tarlang a ni.

Yangon Khit Thit Media chuan Pyin Oo Lwin-a commandent-in a kah hlum Lt. colonel chungchang hi a dik ngei thu a sawi bawk.