Kalay atanga Taingen kawng an hawng leh tawh a, indan nana an man te an chhuah leh tawh Sagaing region, Kalaymyo atanga April 18 tuka Chin Hill, Tedim khawpuia chho Military council Motor 4-te chu April 25 khan Kalaymyo-ah an kir leh tawh avangin Kalaymyo leh Taingen khaw inkar kawngah Lirthei a tlan leh theih thu CDF CDM SIYIN ten an thuchhuahah an tar lang a ni. April 19 khan Military council sipai Motor Taingen khua leh Kennedy tlang vela an tlan laiin CDF CDM SIYIN pawl ten darkar 3:00 chuang an inbeihnaah bomb kam hmangin vawi 2 an bomb a, Military council sipaite Kennedy tlang atangin Taingen khaw lamah an kir thu hriat a ni a . April 22 zing dar 8:00 vel pawh khan Taingen khua atanga Kalaymyo khaw lama kir leh Military council-te CDF CDM SIYIN tangrual pawlten bomb kam hmangin darkar 2:00 chhung an bei a. April 23 pawh khan Kalaymyo atangin Military council sipai ten pawl 2-a operation an neihnaah ramhnuai pal tlangin Siyin huam chhung lamah a pan thu hriat a ni a. April 24 zing dar 7:00-ah pawh Military council sipaite Motor-a an kal laiin CDF CDM SIYIN leh PDF-Zoland ten bomb kam hmangin darkar 1 chhung an beih rawn a. Kalaymyo atangin ralthuam lian 120 MM an kap chhuak bawk a, Military council sipai ten Kalaymyo atanga Lirthei chho reng reng an dang vek a, mipui thenkhat manin inven nan an tawktarh nual thu hriat a ni. April 25 pawh khan Military council sipaiten ramhnuaiah ralthuam liam an kap nasa hle a, inven nan tualchhung mite an man leh nual a. Zanah Kalaymyo University-ah an riak a, a tuk April 26 zingah an mi mante an chhuah leh thu hriat a ni a, khualzin mite phone pawh an chhuhsak nual thu hriat a ni bawk.
