Min Aung Hlai-an Marawitzaya pathian dinin, Chauhsayon pagoda tan sumdawng, dawrkai mihausate hnen atanga state leh region sorkar thuneitute hnenah mipuite hnen atganga thawhhlawm khawn a, ram pumah Rulpui pathiam lem din turin thu a pe tih hriat a ni.
Naypyidaw-ah Min Aung Hlai-an Marawitzaya Budha milim ang hmangin Chauhsayon Budha huanah Pagoda 760, cheng nuai 279 man a din a.
Chu pathian lem pagoda atan sumdawngte, state sorkar leh mimal, pawlte chu thawhlawm thawh tur leh May ni 10 ral hma ngeia thawh vek turin thupek a chhuah a.
Chutih rualin State leh Region sorkar-a sipai hmunah rul pathiam lem din theuh turin Min Aung Hlai chuan thupek a chhuah bawk a, chuvangin chutiang lama mithiam mistiry te chu an buai hle nia hriat a ni.
Hetianga Min Aung Hlaian ram puma huap zawnga a buaipui tak nachhan hi vanneina emaw malsawmna emaw dawn duh vang zawng leh aien thiamte thurawn a lak a nih a rinawm a. Rul pathian ang chi tunlaia an biakna chhan tak chu hausakna, nihna nghet leh kaisan theihna, damreina anga ngaih a ni a. Chuvangin, hetianga sipai awmna hmun hrang hranga rul pathian lem a dahtir chhan chu aienthiamte tihtir vang a nih ngei a rinawm a ni.
