Firfaik military council chuan ram puma sipai awmna hmunah sakhaw biakna chham chi, thusawite chu ngaihthlak tura hun ruat ni-ah ngaihthla vek tur leh, sorkar hnathawkten sipai sawiselna leh politics lam sawi lo turin thupek a chhuah thu hriat a ni.
Sipai battalion, division hrang hrang chhunga pathian biakna hmunah sakhaw chham pual te, thu ngaihthlakna te chu hun bithliaha neih vek tur leh, May ni 1 leh ni 16-ah chuan hmaih miah lova, tel vek a, chutianga sawkhaw serh leh sang neih lai thlalakte chu zing lam dar 9-a thehluh vek tur a nih thu kaihhruaina chhuah tel a ni bawk a.
Chutih rualin military council hnuaia Ministry of Department hrang hranga thawkten sipai sawichhiat leh politics chungchang sawi lo turin military council chuan May ni 1-ah thupek a chhuah bawk a ni.
Naypyidaw-a source pakhat chuan, “Sipai sawisel, tunlai politics dinhmun tha lo tak chungchang sawi hian sorkar hnathawkte chu CDM zawm turin a tur thin a, chuvangin, sawi khapna thupek chhuah a ni,” tiin a sawi.
Chu bakah, sorkar hnathawkte chu chhuahvahnaah fimkhur tur leh, Len-a awm te mahni himna ngaipawimawha awm theuh turin department hrang hrang hirattir a nih rualin kaihhruaina pekte zawm vek tura thupek an nih thu hriat a ni.
