Mipui signature nuai 5 chuangin NUG chu official Myanmar sorkara pawm turin New Zealand Parliament-in ngaihthlakna a nei tan a, Democracy For Myanmar Group leh New Zealand foreign Minister te an hmu
Internet atanga Myanmar mipuite ngenna signature nuai 5 chuan National Unity Gorvernment (NUG) chu New Zealand ramin Myanmar sorkar ziding zawka pawm turin New Zealand parliament-ah ngaihtuah mek a nih thu New Zealand-a awm Myanmar activist-te hnen atanga hriat a ni.
NUG chu Myanmar ram official sorkara pawm turin New Zealand parliament chuan May ni 5 atangin sawihona a nei tan a, chutah chuan Democracy For Myanmar Group dintu pakhat Ma Tin Ma Ma Oo (မတင်မမဦး) pawh online atangin a tel ve a, ani chuan New Zealand parliament foreign affairs, Transportation leh Defense affairs committee hnenah Myanmar ram dinhmun chu chipchiar takin a thlen a ni.
Chung a thu thlente chu Myanmar democracy zin kawnga kum 30 chuang tha thlah lova lo tel tawh, New Zealand Labor Organization Ex-Chairman Mr. Ross Wilson chuan a thlawp thu a sawi lang a. Chu bakah Democracy For Myanmar Group pawhin New Zealand Foreign Minister chu nimin lamah hmuin Myanmar ram dinhmun an lo hrilhfiah tawh bawk a ni.
