Sagaing region, Shwbo district, Khauhmiaungး township chhunga sipaite report pe thin, Dalan, Chho Oo-a in chu luhchilh a, ani chu kahhlum a nih thu Black Wolf PDF ten thuchhuah an siam.
Black Wolf PDF pawla pakhat chuan, “Ani chu kan enthlakna thla 3 vel a ni tawh. Kawng zawh hun lai atangin Dalan hna a thawk tawh a. May ni 8 tlai lam dar 3:30 vel khan a inah luhchilhin kan kap hlum ta a ni. A hmunah a thi nghal,” tiin a sawi.
Mipui venghimtu pawlte thah tak U Chho Oo chu kum 40 mi niin, kawngzawhte man an nih theih nan, sipaite report a pe thin a, mipui sipaite din a nih lai vel pawhin Alliance pawlte chanchin chu military council sipaite hnenah report a pe bawk thin a ni.
Chu bakah, mipui venghimtu pawlte tanpuitu mi tlawmngaite mantir a, khaw chhungah firfiak sipaite kawng kawh hmuhin mipuite a mantir thin avanga thah a nih thu Black Wolf PDF ten an sawi a.
PDF pawl member pakhat chaun, “A chenna ina kan va dah that dawnin, a chhungte pawh an lo awm a, mahse a chhungte khawih na lo zawngin kan ti a ni. Dalan dangte chanchin pawh kan hre nual tawh a. Military council nena inzawmna neite chu kan dah tha zel dawn a ni,” tiin a sawi.
Black Wolf PDF te chuan Sagaing region, Shwe Bo district chhunga military council-te hmanrua Dalan 13 zet an dah that tawh thu thuchhuah an siam bawk ni.
