US-ASEAN inhmuhkhawmnaah military council palai tel phalsak a nih lohna chu SEAN police anga kalpui a nih thu US foreign Ministry Department thupuangtu Ned Price chuan May ni 11-ah US Embassy atangin thuchhuah a siam a.
Chutih rualin military council thupuangtu General Zaw Min Thun pawhin anni lam atangin palai an tel dawn loh thuin a lo chhang let ve nghal bawk a ni.
May ni 12 atanga ni 13 thleng, US khawpui Washinton DC-a neih tur Amercia-ASEAN summit-ah chuan Myanmar ram chungchang chu sawiho tur pakhata dah tel a nih thu Ned Price chuan a sawi a.
Military council-in ASEAN consensus 5 chu a tak chantir a la nei loh avaning, ASEAN summit-ah Myanmar rama politics nena inzawmna nei lo palaite chauh sawm turin nikum October thla khan thutlukna a lo siam tawh a. Chu thutlukna chu US sorkar pawhin a pawmpui a ni.
ASEAN envoy zinkawng chu ran taka tihhlawhtlin, Democracy buaipuitute zawng zawngte nen inhmuhna tluang taka neih, Consensus 5 te a rang thei ang ber leh hlawhtling taka tihlawhtling tura ASEAN hmalak chu US-in a thlawp tlat bawk a.
Myanmar ram chu Democracy kawng dika a awm theih nan Myanmar ram buaina chu dikna nen awmze nei taka chinfelna zawng chhuak tura hmalak zel a nih tur thu Ned Price chuan a sawi bawk a ni.
