Chin state Mindat khua leh Kanpalet khuaa thalai tam zawk chu Malaysia leh Thailand ram lamah kawnghnuai lam atanga an kal nasat thu hriat a ni.
A bika kal tam zawk chu kum 18 vel mi, hmeichhiate an ni a, mipate chu tlem an awm ve bawk.
Kanpalet khaw mi pakhat chuan, ”Mindat leh Kanpaleta awm thalaite chu school an kal thei tawh lova. Hna thawh tur pawh an nei lo, tun hma chuan lo-ah telhawng phuna inhlawh emaw Coffee phuna hlawh emaw a tih theih a. Tunah chuan engmah a tih theih tawh loh a, ram danga kal chu engti kawng pawha kal an tum vek tawh a. Khuaa awm an nu leh pate pawh man an tawk dawn nge thah an tawk dawn nge hriat a nil ova, foreign kal chu tlan chhuahna kawng pakhat a ni,” tiin a sawi.
Malaysia ram kawng hnuai lama kal turin mi pakhat tan Kyat nuai 30 vel a ngai a. Pakhohku khaw mi pakhat chuan, “Pakohku gate han enin commission ho nen an in dawr kual a. Motor pakhatah hmeichhia 30 vel leh mipa pahnih khat an tel a. Thenkaht chu ram pawn lama awm an chhungten pawisa an rawn thawn a. Thenkhat chu pawisa pukin kal an tum a, thla 6 chhunga pek tlak tur angin,” tiin a sawi bawk.
Chutih rualin commission thenkhat, Yangon atanga Malaysia thlenga thawntuin kawng lakah man an tawha mawhphurhna la an awm rualin, mawhphurhna la miah lo pawh an awm thu hriat a ni a. Tluang taka an kal thei a nih chuan chawlhkar khat chhungin Malaysia ram an thleng thei a ni.
