Myanmar ramah petrol a vang tan a, zawrh chhuah a nih vak loh laiin, pumb-a petrol hralh chhuak lo chu hremna pek a nih tur thu MPTA (Myanmar Petroleum Trade Association) pawlin June ni 12-ah thuchhuah an siam thu hriat a ni.
Region leh state hrang hrangah petrol zo lo gturin Importer Company, Terminal Company te, SME oil dawrah khaihlak lova ruahmanna siam zel turin MPTA chuan hriattirna a chhuah a.
MPTA chuan petrol pump lamah petrol khaihlakna a awm a nih pawhin thuneitute hnenah a rang lama hriattir a, a ruahmanna siam thei nghal turin a hriattir bbawk a.
Mahse, chutianga hriattirna leh ruahmanna chu MPTA lamin siam mah se, harsatna a awm hunah engmah MPTA lamin tihsak an neih loh thu SME pumb lamin an sawi vet hung a.
SME lam, Ayawaddy lama pump neitu pakhat chuan, “Auction ang pawhin a dil theih loh a, a zat ang pawhin a insem rual theih loh. Chu ch Importer Company inkara buaina an I a, tuipui kama lawngchawlhna hmunah dollar pek an duh lova, pawisa pek zat tur a tam phah a. Oil man chu a sang chho zel a, dawr te lamah an nei lo chho zel bawk si a, vawiin 2200 man lo ni ta se, a tukah chuan 2300 vel a ni chho nghal mai a, License hmuh a lo har bawk nen kan tuar zel mai chu a ni,” tiin a sawi.
MPTA lamin oil khaihlak lo turin thuchhuah siam mah se, Yangon khaw chhungaah Juen ni 13 tlai lam dar 5 atangin pumb tam takah 92, 95 petrol chu lei theih a ni tawh lova.
Yangon khaw chhunga Tasxi driver pakhat chuan, “Pump tam takah petrol a awm tawh lo tih intar a awm lova, a awm emaw tiin kan va lut a, mahse a lo zo tawh thin a. CHutih rualin Okalapah chhim lamah sing 3 man chu kan la thei a, mahse nghah chhung nen chuan a inphu lo khawp mai,” tiin a sawi.
Yangon khaw chhungah petrol 92 chi litter 1-ah 2305, 95 chi litter khatah 2370 tia hralh chhuah tur ni mah se, a taka lei chuan chu aia tam pek a ngaih thu hriat a ni.
