USA Texas state, Amarillo khuaa PDF te tana vehburkhawnna market show neihna leh NUG Bonds hralh chhuahna atangin US dollar 50000 chuang hmuh a ni a.
Chu show June ni 12, US hun, chhun dar 12 atanga tlai lam dar 5 thlengin
Amarillo PDF Support Group kaihhruainain Buddhist puithiam compound-a neih a ni.
PDF te tan nana thil hralh chhuah avangin US dollar 8017 chuang leh NUG Bonds hralh chhuahna atangin dollar 42956 (Myanmar pawisaa nuai 850 chuang) hmuh a nib awk a.
Chung market show atanga sum lut zawng zawng chu Amarillo PDF supporting Group atangin PDF te hnenah direct-a pek a ni ang a, NUG Bonds hralhna sum erawh chu NUG sorkar Finance Ministry-ah chhun luh a ni ang.
A buatsaihtu zinga mi Ko Soe Min chuan, ”PDF tanpuina thawhlawm tling khawm thei tura tanpuitute zawng zawng chungah kan lawm hle a. Min rawn tanpui leh chhawngtu Pan Se Lu pawhin market show atanga a sum hmuh zawng zawng chu keini Amarillo PDF Supporting Group hnenah a bo a bang awm lovin min pe vek a ni,” tiin Mizzima a hrilh.
Amarillo PDF Supporting Group chu Myanmar ramah sipaiin thuneihna a lak kum 2021 atanga kum 2022 thlenga ralthuama military council bei lettute leh raltlan mipuite tanpuitu pawl a ni a.
Chung tanpuina leh chhawmdawlna an kalpui dante chu NUG Defense Ministry leh Border thuneitute hriattir zelin an kalpui a. Amarillo khuaa neih vehburkhawnna bazzar chu Karen, Chin, Mon, Burma, Rakhine leh Shan unauten an chhim a, kal khawm zawng zawng chu mi 500 vel an nih thu hriat a ni.
