Military council Airforce tana ralthuam petu company pathum, Britain sorkarin an hrem takte Synpex Shwe Company Ltd, Myanmar New Era Trading Company Ltd leh Sky Aviator Company Ltd te a ni a; sipaiin thuneihna a lak hnuah chung company pathumte chuan indo thlawhna part hrang hrang supply leh maintenance lam an thawh thu UK lam chuan thuchhuah an siam a ni.
A nihna takah chuan Amesty International pawlin ‘Military council-in Myanmar ram chhunga mipui pawisawi lo tam tak target-ah hmanga awmze nei taka indo thlawhna (airstrike) hmanga rawng taka thahna a thlen bawk dan’ report a chhuah hnu lawkah UK lam chuan chung company-te chu a hrem zui nghal tih a puang a.
Chutianga hremna, ralthuam leh indothlawhna part thawn chhuak a, supply thei lo tura a tihna chhan ber chu military council – sipai sorkarna hrekna a nih rualin Putin-a ralthuam sumdawnna lama sum luanglut tur danna a ni a, chuvangin Myanmar leh Russia rama ralthuam siamna company lian tak takte thil neihte chu a khuahkhirhsak zel tur thu pawh UK sorkar chuan a tarlang a.
Chu bakah thuneihna la sipaite tana ralthuam leh indothawhna part supply-na kawnga inhnamhnawih Russia company pathum pawh hrek bet a, hrem a nih a, Putin-a thiantha (alliance)-te chu target-ah neia khuahkhirha hrem zel an nih tur thu UK sorkar chuan a sawi bawk a ni.
