Chin state Tedim khaw bulah military council sipaite leh Chinland Defense Froce tangrual pawlte chu June ni 17 chawhnu lamah darkar 2 vel zet an inkap a, sipai 7 an thih thu leh 15 an hliam thu hriat a ni.
Sagaing region Kalaymyo atanga June ni 16-a Chin state lam chho sipai motor 17, sipaiho chuanna chu Tedim khaw luhhma Hawp bula an thlenin, PDF-Zoland, CDF/CDM-Siytin ralhmatawng lama kalte nen a inkah thu PDF-Zoland-in thuchhuah a siam a.
Chu inkahnaah chuan military council lamah sipai 7 an thi a, 15 an hliam bawk niin PDF Zoland chuan a tarlang a.
Military council sipaiten kawng tluanin laipui an kah puak deuh reng avangin, Chinland venghimtu pawlte chu him dam takin an tawlhsawn a.
Chu mi nia inkahna chhuak avangin, Kalaymyo atanga Chin state border trade kawng no. 2 Rihkhawdar lam pan tum passenger phur motor te chu kawng chanve vela an kir leh vek thu hriat a ni.
