Min Aung Hlaia kaihhruai firfiak sipaiho zingah thi, tlan chhuak, tang leh chhuahtirte chu zaa 2 aia an tam tawh avangin, sipai awm zat tla hniam zat tam chho lo tura kalpui turin sipai hmun hrang hrangah hriattirna leh vaukhanna chhuah a nih thu hriat a ni.
Kum 2022 March thla chhungin Karenni state chhunga operation nei LIB 66 battalion atangin March thla chhungin force 58 an chan a, Sagaing region Kalaymyo chhunga operation nei no. 10 command heahquarters-in sipai 102 a chan tawh bawk a, Kachin state chhunga operation nei no. 21 command headquarters-in March thla chhungin force 51 a chan tawh bawk a ni.
Sipai pawlin an sipai channa percentage chu Karenni state chhunga battalion no. 66 percentage chu 3.01, Sagaing region Kalaymyo huam chhung battalion no. 10 command headquarters chhung atana an sipai zan zat chu zaa 6.86 percentage, Kachin state battalion no. 21 atangin zaa 2% niin, sipai thi zat chu zaa 2% aia an tam zawk avangin, chutianga channa thleng tawh lo turin sipai chhungkuaah thuchhuah siam a ni a.
CDM Captain, Lin Thet Aung chuan, “March thla chhung, thla khat chhung ringawta hetiang zat chan chu a namai lo asin. Inkahna hmuna thi zat phei chu an tlem lo hle a ni. An tam zawk mah ang. Chu pawh chu March thla chhung chauh a nia. April leh May chhut tel phei chuan an tam viau ang,” tiin a sawi a ni.
Yangon Khit Thit media-in a tarlang ni tina sipai thi zat list atanga chhut chuan ni tin firfiak sipai 50 vel an thi ziah anga chhut theih a ni bawk.
