China Foreign Affairs Minister Wan Yi chuan mitary council chu eptu pawl nena tun lai Myanmar politics chungchangah inbiakna nei turin, Bagan-a a vawi 7-na Mekhong – Lancang Cooperation, Foreign Ministers’ Meeting, June ni 4-a neihah a ngen thu hriat a ni.
China foreign Minister chuan ”China ram chuan Myanmar ram chhunga inkaihhnawihna nei zawng zawngte nen awmze neia inbiakna nei se tih a duh rualin, politics lamah pawh thawkho thei turin a duhsak bawk a ni,” tiin a sawi a.
China Embassy lam chuan Foreign Minister Wan Yi-an ‘Myanmar ram chhung thuneihna chu mipui hnena hlan let leh turin military council a nawr a, chutih rualin China leh ASEAN pawl ten Myanmar ram chhung politics-ah inremna a awm theih nan englai pawha thawk hovin, Myanmar ram chhung hmasawna thlentir a beisei thu leh ram chhunga pawl hrang hrangten politics leh mipuite hmakhua ngaia a taka inhriatthiamna, kawng hrang hrangah a awm tawka inphutnate ngaihtuah a, inremna thlen zawnga hmala zel tura ngenna a siam thu’ a tarlang a.
China foreing Minister chuan ASEAN Kalphung – mi dang ram chhung buainaa inrawlh loh, inbiakna policy leh kalphung dangte nghet taka chhawm zelin, tibuaitute hnawl a, dawhthei taka inbiakna hmangin ASEAN Consensus 5-te chu taka chantirin ASEAN inlungrualna vawng chhunzawm zel tura a beisei thute pawh a sawi bawk a.
China foreign Minister Wan Yi-a pawlte chu Mekhong – Lancang Cooperation, Foreign Ministers’ Meeting a vawi 7-na hmang turin Myanmar rama hmanlai pathian lem, pagoda tamna ber hmunlui Bagan khuaah June ni 2 khan an thleng fel tawh a ni.
