July ni 4, Pathein sipai hmuna officer, sipai leh an chhungte nena inhmuhkhawmnaah Sr. Gen. Min Aung Hlai chuan Myanmar mipuite education lama an zir san loh avanga hriatna a tlakchham thu a sawi chhuak a.
Ani chuan, Myanmar ram mipuite zingah politics lam hre thiam ang awm bawkin hriatna nei tlem an awm bawk a, politics lam hriatna an neih tlem nachhan chu zirna lam nen a inkaihhnawih a. Chutih rualin politics lama an thil hriat tlemna chu remchangah hmanga mi fuihpawrha an awm thu a sawi tel a.
Chu bakah, ram chhung zirna chu hunbi hrang hrang ata tawh a lo hniam tawh hle a, zirna a that loh avangin hriatna lamah tlakchhamna a thlen thin thu July ni 5 chhuak sipai chanchinbu The Mirror newspaper-ah tarlan a ni.
Chu inhmuhkhawmnaah chuan sipaiin ram chhung mawhphurna chu loh theih loh a, an lak thu officer te, sipai te, police leh an chhungkhuaten an hriat a pawimawh thu leh Myanmar ram chhunga politics buaipuitute chu politics lama tawn hriat nghah leh inchawih taka thil an tih a tul thu pawh sawi tel a ni a.
The Mirror chanchinbu chuan Sr. Gen. Min Aung Hlai chuan July ni 4 chhungin Ayawaddy region chhunga military council hnuaia thawk staff te nen an inhmuho bawk a, Myanmar ramah ziak leh chhiar, primary level mi an tam a, lehkha thiam an tlem thu, zirna lam hmasawntir tumin military council-in a taka hma a lak mek thu a tarlang a ni.
Chutih laiin AAPP chuan kum 2021 February ni 1 atanga sipaiin thuneihna an lak hnuah anmahni dodaltu mi thiam, lehkha thiam tak takte chu manin, an that a, lung inah an khung a, tharum hmangin an hnawt dark zel bawk a ni tiin a sawi vet hung a ni.
