Dan lova NLD office building chhunga lut luite chu dan anga hrem an ni ang tiin NLD central working committee-in July ni 5-ah vaukhanna thu an chhuah a.
Dan leh thupek kenkawh that lohna remchangah laa, headquarters lam atanga mawhphurna pek ni lote NLD party office building chhungah chhuanlam chi hrang hrang siama luh tum an awm thu hriat a ni a.
Kum 2020 General election-ah chak taka hnehna chang Naitonal League for Democracy party office hrang hrang leh member-te target hmanga beih an nih laiin, mipui duh dan nena inkalh taka party office building hawn tuma beitute thiltih chu pawmzam a nih dawn loh thu NLD party chuan thuchhuah a siam a ni.
Sipaiin thuneihna an lak hnuah National League for Democracy headquarters office talin Region leh State-a regional office, Township office, veng leh khaw office te chu firfiak leh mi rinhlehawm tak takten dan lova, an tihchhiat thin thu thuchhuahah tarlan tel a ni a.
NLD hnuaia Human Rights bawhchhiatna (data) lakhawmtu pawl chuan kum 2022 July ni 1 atanga a record danin party Headquarters telin NLD party office hrang hrang tihchhiat tawk zat chu 106 a tlin tawh thu hriat a ni.
NLD party office tihluihnaa tihchhiat tam zawk chu military council-in Section 144 puang chhuak a, security lam sipaite chiah pawn chhuah theih a nih laia tihchhiat a ni tlang pui a.
Chubakah, military council chuan NLD MP 119 telin party member 224 te chenna in leh an thil neihte chu chhuan lam chi hrang hrang siamin Arrest warrant lehkha tar, kalhsak leh laksak zawnga dan an bawhchhiat thu thuchhuahah tarlan bawk a ni.
