Myanmar ram chhunga mihring insuatna leh Gambia ramin International Court of Justice (ICJ)-a a khin chungchangah military council chuan ICJ hnenah Myanmar ram chunga rorel thei an nih loh thu a thlen a, chu mi chungchang chu July ni 22-ah court-in a ngaihtuah dawn tih thuchhuah a rawn siam a ni.
Myanmar lamin ICJ chhang let turin military council lamin 2021 June thla chhunga a tarlan danin, Myanmar palai 8 telna foreign Minister U Wana Maung Lwin kaihhruaina hnuai atangin international cooperation Minister U Ko Ko Hlai, Chief Judge Daw Thi Ta Oo te an tel bawk thu hriat a ni.
Mihring insuatna chungchanga Geneva Agreement bawhchhia a, Rohingya te chunga thlentir Myanmar ram chunga Gambia ram khinna chungchangah ICJ-in thutlukna siam thei a nih leh nih loh chu Gambia leh Myanmar ramte pahnihin palaitirin sawifiahna hun pek an ni a.
Tun hma National League for Democracy (NLD) sorkar lai atangin ICJ court-a thutlukna siam theihna power chungchangah Myanmar ram chuan lo hnawl (Preliminary Objection) tawh a ni.
Mahse tunah chuan ICJ chuan Myanmar ram military council palaite complain-nate chu ngaihtuahin July ni 22-ah thutlukna a siam tawh dawn tih hriat a ni.
