Sagaing Region huam chhuang a, Military Council-te kut hnuaia Khawlal (Administrator) hnathawk zawng zawng te inhnukdawk vek turin NUG, Defence Minister, PDF pawl ten an ngen.
July 10 atang khan PDF pawl ten District hrang hrangah hriattirna an tichhuak tawh a, Kawlin (Kaw Lin) District, PDF pawl te chuan July 14 khan an tichhuak ve thung.
Military Council hnuaia Administrator te inhnukdawk tura an tih hmun. Sagaing Region huam chhunga chuan Sagaing, Monywa, Khan Hti, Mawlaik, Tamu, Kawlin. Ka Ta, Swe Bo District te an ni.
“ Thupek zawm lova, Military Council te ralthuam kenga inhnamhnawih an awm chuan mipui nunna leh bungrua tibuaitu-ah ngaih an ni ang a, Military Council-te dodalna dan siam angin na taka hrem tur an ni” tiin District tinah hriattir a ni.
NUG sorkar te hian Sagaing Region huam chhunga Khaw tin leh Veng tin, township leh District level thlengin PDF pawl a din vek a, a tul anga an mamawh tin reng an supply reng thin.
Sagaing Region huam chhungah hian PDF leh tualchhung PDF tangkawp te hian an thunun hneh hle tawh a, hmun thenkhatah phei chuan NUG te hian Tax leh School hawn bakah hmanrua chi hrang hrang nen hna an thawk mek.
