In leh Dawra hman thi Gas (LPD Gas) chatlak avangin a man, a sang hle a. A supply-tu Company ten harsatna an tawh thu LPG Gas Company chuan a sawi.
Tun dinhmunah hian Military Council ten Central Bank-a Dollar bithliah an neih avangin LPG Gas leina turah harsatna an tawh thu LPG Gas Company, Sell Manager pakhat chuan RFA a hrilh.
“Tunah rih chuan Thai atangin Broda line thawn chhuah tihtawp a ni. Lawngpuia phurh pawhin an rem thei lo. Chu bakah Dollar bithliah a awm bawk nen. Chu vangin keini pawhin kan lei thei lo. Duh duhin an zuar a, an lei tawh mai”
A hunlai rate, ram pawnah buk 1-ah K.8000 thlenga, zawrh a ni. Tun hmaa Gas bur 1, K.500 ni thin kha K.1200 man a nih tawh thu a hmantu mi pakhat chuan a sawi. Myawadi (Miah Wa Di) ramri chheh velah inkahna a thlen thin avangin phur luh a harsat thu Gas Company chuan a sawi.
January 16 khan Kayin State, Myawadi leh Kawkareik, Asia Motor kawngpui hmun pakhatah LPG Gas phur Motor, hming hriat loh ralthuam keng pawl ten an kap a, Dirver a thi a, Motor 2 hal chhiat a nih thu WaRa Trading Company Ltd. chuan a thuchhuahah a tar lang.
