Myanmar-ah Covid-19 a hluar leh tawh a. September thla tir atang khan ni tin hri kai an pung chho zel a, September 14 khan, hri kai thar mi 384 hmuh thar a nih thu Health of Ministry te thuchhuah atanga hriat a ni.
Covid-19 hri kai thar mi 384 an hmuh te hi, mi sing 12120 an test atanga hmuh niin, hri kai hmuh zat hi 3.17% ni a tarlan a ni.
August thlaah khan Covid-19 hri kai avangin mi 4 an boral tawh a. Tun thla September 1-14 thleng khan, mi 6 an boral tawh thu an tar lang bawk.
Covid-19 hri kai thar leh boral te list hi Military Council ten an chhinchhiah dan a ni a. Chenna ina khawsik leh Private Clinic-a in entirte an la tam hle avangin, hei ai hian an tam mai thei a ni, tiin Specialist ten an sawi.
Military Council ten an tar lan danin, heng hri kai thar Zaa 80 te hi Covid-19 Vaccine chiu te an ni a, Zaa15.9 te hi Vaccine does 1, chiu te an ni. Heng zingah hian Zaa 4 te hi Vaccine dose kima chiu te an ni a, Zaa 0.1 te hi Vaccine dose kim, chiu nawn te an nih thu an tar lang bawk.
Covid-19 hri thar Omicrone laka inven lawk a pawimawh thu, Military Council, Health of Ministry ten thu an chhuah anga zawm theuh turin, Specialist ten mipuite an hriattir.
