Military Council ten Martial Law, an puanna hmun, Chin State chhim lam. Mindat khawpuia Khah Lah Yah (LIB) 274 Battalion ten Buhfai zawrh phalna chungchangah an thunun vek a. Chhungkhaw khatah Buhfai Pyi 5 (Pyi 1-ah Dut No 8 a awm) chauh lei an phal thu hriat a ni.
Military Council sipai ten Buhfai lei tur an thunun vek avangin Khawtlang upa ten Military Council, Administator hnenah phalna an lak hnuah, Pakukko khawpuia Buhfai zawrhna hmunah an chah leh hnuin Mindat khawpuiah an zuar leh chauh thin a.
Hetia Buhfai an zawrhnaah hian duh zat zat a lei theih mai lova, chhungkaw khatah Buhfai Pyi 5 chauh zawrh phalsak a nih thu Mindat khawpuia Khawtlang upa zinga thuneitu pakhat hnen atanga hriat a ni.
“ Chhungkaw khatah Buhfai Pyi 5 chauh lei an phal a, a zawh chuan lei nawn phal a ni lo. Tum khat leiah Pyi 5 chauh phal a ni a. Chu chu Military Council Administrator-te thuchhuak a ni. A ipa lei an phal lohna chhan nia kan rindan chuan ramhnuaia pemsan an hlauh vang a ni ang” tiin a sawi zui bawk.
Mindat khawpui hi Chin State-a, Military Council-te dodala kap hmasatu te zinga mi an ni a, Military Council sipaite leh CDF-Mindat-te inkah nasatna a nih avangin Martial Law, an puanna hmun a ni bawk.
Hetia Military Council sipai ten, Mindat township-a Buhfai an thununna chhan hi, CDF-Mindat Battalion-te, an dan chatna a nih angin inkal pawhna leh zawng zawng an dang phui vek thu hriat a ni.
