Chin State, Falam khawpuia Surbung Airport Manager kum 59 mi, Lal Tu Zama Chhakchhuak chu October 6, tlai dar 6:58 khan Yangon khawpui, Bahosi Hospital-ah a boral thu hriat a ni.
Myanmar Zofate zinga Air Traffic Control officer hmasa ber Lal Tu Zama hi Falam DC ni thin Pu Savuta tupa a ni a. A nu Pi Sui Iang hi Chin State Zofate zinga Staff Nurse hmasa pawl a ni bawk. Pu Laltuzama hi Aizawl , Mizorama Zo rimawi khawvela Musician lar tak, Guitarist Thangbawiha te unau zinga upa ber a ni a.
Myanmar Zofate zinga Air Navigation lam mi thiam Air traffice control officer awmchhun Lal Tu Zama hi May 5, 1963 khan Falam khuaah a piang a. Pu Zalawma leh Staff Nurse hna thawk Pi Suiiangi te fa upa ber a ni.
Shan State khawpui Taunggyi (Tong Chi) khuaah Technical High School a zir chhuak a. Taunggyi Regional College a kal hnuin Mandalay University-ah Mathematics Major-in a graduate bawk.
Yangon Khawpuia Civil Aviation Training Institute (CATI)-ah Navigation zirnaah a training chhuak a. Air Control Assistant hnathawk tanin International Civil Aviation Orgnization-ah inspector hna thawkin French, Paris-ah a awm tawh a. Myanmar-ah haw lehin hmun hrang hrangah Air Traffice Control Officer hna a thawh hnuah a boral hma thlengin Dy.Director rank hna a chelh a ni.
A nupui Pi Len Kim Thluai (Makimi) nen fa pali an nei a. Engineering Graduate te an ni hlawm a, an naupang ber chuan Yangon University-ah MA ( English ) first class first-in a pass a ni.
Lal Tu Zama hi Falam Baptist Church-ah rawngbawltu niin a boral ral hma lawk khan Surbung Airport-a Thlawhna tluang taka a tum theih nana hlanna inkhawm buatsaihtute zingah mi bik a ni a.
Myanmar Zofate zingah Lal Tu Zama Chhakchhuak chauh hi Air Traffic lamah Dy.Director awmchhun a nih thu hriat a ni.
