Buhfai ei tur chatlakna hmun Chin State, Paletwa khawpuiah October 12, chaw hnu dar 2:00 vel khan Municipal ten buhfai an zawrh chhuah thu tualchhung mi ten an sawi.
Hetia Paletwa khawpuia Military Council-te leh Municipal tangkawp ten Buhfai an zawrh hi a tum 2-na a ni a.
“ Vawiin zing lam khan an zuar tan a. A khawpumin Buhfai nei tawh lo ten an lei hlawm a. Buhfaiin a daih loh vang nge, eng ang nge kan hre lo, tlai lamah chauh kan zuar chhuak ang an tih avangin thuneitute leh mipuite an in tithiam lo lek lek a. Tlai lamah chuan an zuar chhuak ta tho” tiin tualchhung mi pakhat chuan a sawi.
Hetia Military Council ten kal pawhna kawng an khar lai, buhfai lei tur a awm loh laia buhfai an zawrh chhuahna chhan hi mipuite an tihduhdah vang a ni tiin tualchhung mi pakhat chuan a ngai thung.
Hemi ni vek hian Paletwa khawpumah Currrent a awm loh thu tualchhung mi pakhat chuan a sawi a. Tun hma chuan Paletwa khawpuiah, hmun 2-ah thenin ni khat danah darkar 6 Current an pe chhuak thin a. Tunah chuan ni khat danah darkar 4 chauh Current an pek chhuah thu tualchhung mi pakhat chuan a sawi.
