Chin State, Falam towmship, India leh Myanmar ramri sumdawnna hmun, Rihkhawdar khuaah January 17, zing dar 9:00 hnu vel khan Military council-te leh pawl hriat loh ralthuam keng pawl te nen an inkah thu hriat a ni.
Rihkhawdar khua No. 2 Ward, tlang chunga Military council sipai camp, pawl hming hriat loh ralthuam keng pawl ten tlang hmun pakhat atangin an ral sai a, Military council sipai ten ralthuam lianin an chhan let thu hriat a ni.
Military council sipai ten ralthuam lian an kah chhuah avangin khawchhunga bungraw dahna Kudam a deng fuh a, naupang pakhat na vak lo a hliam a, clinic-ah an panpui thu tualchhung mi te hnen atanga hriat a ni.
Military council sipai camp beitu mi 2 te hi Tiau (Khawmawi) khua atangin India lamah an tlan chhiat laiin Assam Rifle ten ralthuam nen an man thu tualchhung mi te hnen atanga hriat a ni.
Hetia an kah chhung hian No.2 Ward, Tiau (Khawmawi) khuaa mipui te, ral lehlam Mizoram, Zokhawthar khaw lamah an tlan chhe nual a. Tunah rih chuan dan pangngaiin an awm leh thu hriat a ni.
