Mandalay region, Nyaung U township-ah hmeichhe tleirawl mi 10 chuang te PDF thlawptuah puhin Military council sipai ten an man a, an dawpna hmunah an pawngsual thu hriat a ni.
Kumin January thla chhung khan Nyaung U township-ah kum 20 chuang vel hmeichhe tleirawl 10 chuang te, Nyaung U khawpui Military council sipai Bureau of special investigation (Sah Tung Lung) leh Military Affairs Security Force (Sah Yah Phah) tangkawp ten PDF-te tanpuituah puhin an man hnuah an pawngsual thu hriat a ni.
Heng an hmeichhe man tak pawngsualtu te zingah hian Nyaung U township, Sah Tung Lung-a Officer Naung Min Let, Military council Captain Myo Ngyi (Miu Ngi) leh Sah Yah Phah Officer Tin Tun Aung te an tel thu hriat a ni bawk.
“Nyaung U khawpuiah kum 20 vel hmeichhe tleirawl 10 aia tlem lo an man a. Heng an man te hi zirtirtu te, NGO-a thawk mi 3 te PDF tanpuitu tiin an man a. Ei in dawra hmeichhe naupang pakhat pawh section 505 hmangin kum 3 Jail tang turin an hrem a, mi dang an man nual mai, an hming kan hre vek thei lo. Heng an hmeichhe tleirawl man te an dawpnaah khuaikhemin an pawngsual zui a nih thu Pagan Pyi Bilu Battalion-a thuneitu pakhat chuan a sawi.
Yangon Khit Thit Media ten Nyaung U township- an hmeichhe man te an pawngsual chungchangah Military council thupuangtu Zaw Min Tun, an zawhnaah chhanna eng mah a awm lo.
