Chin State, Mindat township Sun Taung khaw kianga chenna in velah January 20, zan dar 11:50 khan in kah buaina awm lovin Military council ten Jet Fighter pakhatin bomb 2 an thlak thu Mindat township, public administration ten an thuchhuahah an tarlang.
Military council ten Jet Fighter-in zan laia an bomb avangin chenna in a chhe nual a, tualchhung mipa pakhat leh hmeichhe pakhat na vak loh an hliam thu hriat a ni.
January 22 zing dar 11:00 vel pawh khan Mindat khuaa innghat Military council sipai ten Wanmatu (Wan Mah Tuu) khuaah Howitzer ralthuam lianin tum 5, a zawnin an bomb chungchangah hliam an awm nual thu Mindat township public administration ten an tarlang. Military council sipai ten khawmual atanga an bomb avangin tualchhung mipui te an tlan chhe nual a ni.
January 8 chawhnu dar 3:15 khan Mindat khawpui atanga mel 30 vela hlaah Military council Jet Fighter pakhatin vawi 2 an bomb a, chenna in pakhat a chhiat thu hriat a ni.
