Thailand Turk State leh Ayudhya State-ah January 22 khan dan lova lut Myanmar mi 20 an man a, ni 5 chhungin Myanmar mi 50 chuang an man tawh a ni.
Heng January 22 khan dan lova lut Myanmar mi 20 chuang an man chungchangah Myanmar joint action Chairman U Moe Kyu (U Mu Chu) chuan heti hian a sawi.
“Ni 22 chawhnu lam khan Turk State, Wang Kyak township, Nago Village truct kiangah Car-a, an rinhlelh an zawh tumnaah an tlan chhuak a. Myanmar mi dan lova lut mipa 6, hmeichhia 7 leh driver an man a. An man te an zawhnaah Myanmar atanga Thai lut tur hian Broker hnenah Bath 25000-30000 pek a ni a. Hetiang vek hian January 22 pawh khan Thai hmun laili Ayodhya State-ah Myanmar mi Car-a chuang rinhlelh mipa 8 leh hmeichhe 2 an man” tiin an sawi.
Tunah chuan ni 5 chhungin dan lova lut Myanmar mi 50 chuang an man tawh a, heng hi Human trafficking vanga tawlh lut te an nih thu a sawi zui bawk.
“January 18 khan dan lova lut Myanmar mi chuanna Car, Fatlong district-ah an accident a, hliam an awm nual a, police ten Lenin an khuha mi 28 an man. Fatlong district hi Prakat Khiri Kham State atanga Thai chhim lam pal tlangna kawng a ni a. January 18-23 thleng khan Myanmar mi 52 leh mihring hmanga sumdawng thin mi pakhat an man a, mi dang chu an tlanchhe hman” tiin a sawi zui.
Thai-ah hian dan lova lut Myanmar mi ni tin an pung zel a, Thai ram chhungah dan lova lut document siamsak te an la man zel a. Nikum chhung khan Myanmar mi dan lova lut mi 40000 chuang an man tawh thu thuneitu ten an sawi.
