Chindwin tuipui-a Kan Ni township Kan Piu khaw kiangah Military council Board lawng rualte PDF Battalion pathum ten an beihnaah Military council sipai 10 an thih thu KIG PDF Battalion-a thuneitu pakhat chuan Yangon Khit Thit Media a hrilh.
January 15-17 chhunga PDF ten an beih chhung khan Military council sipai 10 an thih thu hriat a ni a.
Kan Piu khaw thlen hma Kyauk Launggyi (Chauh Long Chi) KLG PDF leh tangrual pawl ten an kah rawn a. Military council sipai ration phur 6 zinga 2, Kan Piu khaw chhehvelah an tangkhang a, A dang Lawng 4 te chu kal zawm lehin Kyauk Maw (Chauh Hmaw) khaw thlen hmaah an tangkhang leh thu hriat a ni.
Heng Military council Lawng te hi December 18 atang khan Chindwin tuipui zawh zelin operation an nei zel a. Kyauklaunggyi KLG PDF leh tangrual ten an beihna hi thla khat chuang zet a ni tawh a, ralthuam an mamawh hle thu hriat a ni.
