KNU huam chhung, Kaw Tu Lay bial, Kha Le Ye Tuh District Briadge 3-a buk khuar mek Military council sipai ten mipui awmna tin zawnin ralthuam lian an kap a, mipui 5 an hliam a, mi 5000 chuang an tlanchhuah thu KNU Central hnen atanga hriat a ni.
February 4, zing dar 5:30 khan Khah Mah Yah (LIB) 351 leh Khah Lah Yah (IB) 60-a sipai 60 vel ten KNU Mu township, Min Ta Yar khua an luhchilh a. Wae Chi khuaa Monastry-ah buk khuarin Min Ta khuaa Bike 5 leh Buhfai ip 50 an laksak thu hriat a ni.
Hetia Military council sipai ten an luhchilh avangin Min Ta Ya khua, Wae Chi khua leh Ngyaung Pin Seing khuaa mipui 2431 te an khaw chhehvelah an tlanchhiat thu hriat a ni.
Tualchhung mipuite an tlanchhiat avangin KNAL, KNDO, Brigade 3 hnuaia Federal Wings Drone Battalion ten chawhnu dar 6:30 atangin 7:00 thleng Military council sipai an kah rawn thu hriat a ni bawk.
He inkahna avangin Military council sipai ten a chhehvel khuaah ralthuam lian vawi 15 an kap a, Zi Khong khuaa kum 40 mi Pi Zin Ma Win leh kum 15 mi Nl. Ya Da Na U an hliam a, a bul hnai lawka Damdawi inah an enkawl thu hriat a ni.
Hetiang vek hian Janaury 31, zan dar 8:13 khan Military council sipai Khah Lah Yah (LIB) 60 Battalion ten La Pat khuaah buk khuarin Ma Yan Seing khuaah ralthuam lian an kah avangin kum 13 mi Naw Mu Mu, kum 15 mi Naw Phaw Ngi unau leh kum 65 mi Naw Le Wa te an hliam a, Damdawi inah an dah nghal a. Vawk pakhat a thih bakah tualchhung mipui 1908 an insaseng thu hriat a ni bawk.
Military council sipai Khah Lah Yah (IB) ten January 31, chawhnu 2:30 khan Chun Kong khaw chhehvela chenna in 10 chuang an hal chhe tawh bawk a ni.
