Myanmar ram chhungah ni tin raltlan an tam zel a, ralthuam keng te harsatna leh ei in harsa te chhawmdawl nan tiin US sorkar huan dollar maktaduai 50, a tanpui leh dawn thu Yangon-a innghat US Ambassy chuan February 16 khan thuchhuah a siam thu hriat a ni.
He chhawmdawlna sum hi United States Agency for International Development ten ei leh ina hman atan hmanhmawh thil thuah a pe dawn niin an sawi.
UN thuchhuah dan chuan Myanmar-a chhawmdawlna atan a ram mipui mi 3-a mi pakhat tan, a ram mipui maktaduai (Mtd) 17 chuang tanpui an ngaih thu an sawi a. Kum 2020 khan a rampum huapah mi Mtd khat pawh tanpui an ngaih loh thu US Ambassy chuan a thuchhuahah a tarlang thung a ni.
Region leh State chhunga chhawmdawl ngaite tan UN World Food Programme ten naupang kum 5 hnuai lam, rai lai leh nau pawm lai mi 750000 chuang hnenah taksa chakna tur ei in an tanpui tawh thu an tarlang bawk.
Mipui tan nunna chhanchhuahna atan hma lak tur a nih bakah Myanmar mipuite tangrualna avanga Democracy kawng zawh te hnenah an chhuanawm thu an thuchhuahah an tarlang bawk a ni.
