Magwe region, Seih Phyu township-ah Military council sipai ten an luhchilh avangin tualchhung mi 1000 chuang an tlanchhiat thu Yangon Khit Thit Media an hrilh a ni.
February 21 khan an luhchilh a, khaw 4-a tualchhung mi 1000 chuang ni 3 chhung an tlanchhiat hlawm bakah man an nei nual a, an la biak pawh theih rih lo a ni.
Military council sipai te hian Chit Pia khua, Ta Ya Kong khua leh Tet Ke Chin khua an luhchilh a. A khaw chhehvel leh leilet hmun thlengin an chilh pherh vek thu hriat a ni bawk.
February 24 tuk thleng khan Military council sipai ten raltlante awmna hmunah ralthuam lian leh tein an kah chiam thu tualchhung mi ten an sawi.
“February 24 tuk khan Military council sipai ten Chiy Pin khua leh Ta Ya Kong khuaah ralthuam lian leh te an kap nasa hle a. Inkah buaina awm hran lovin raltlante awmna hmun vawi 10 vel an kap a ni” tiin tualchhung min ten an sawi.
