Sagaing region, Chaung U township, Khin Mon khuaah Military council sipai ten ralthuam liana an kah avangin naupang kum 13 mi Maung Pyi Phyu Oo (Mawng Pih Phiu U) leh kum 67 mi Daw San Kyi te kah hliam a ni a, an boral thu tualchhung mi te hnen atanga hriat a ni.
March 3 khan Military council sipai operation pawl 2 ten Khin Mon khuaah ralthuam lian an kah chiam avangin naupang leh kum upa an kap hlum a, chenna in 70 chuang an hal chhe vek a. Hei hi Military council sipai ten Khin U khua a vawi 2-na an halna a ni.
“Northwest Regional Command ten Khin Mon khua khua ralthuam lianin an kap nasa hle a. Naupang leh kum upa an kap hlum a, chenna in 70 chuang an hal, tualchhung mi 2 an hliam” tiin Chaung U khuaa Buddist puithiam chuan thil awm dan a sawi a ni.
Military council sipai ten an kah hlum tak naupang leh kum upa ruang hi a chhung te tel lovin harsa takin an vui liam a. Tun dinhmunah hian Khin Mon khaw chhung dinhmun a hlauhawm hle a ni.
