NUG-in online hmanga nu leh pa tan zirna school a buatsaih chungchangah hming inpe an awm chuan Military council ten an dan siam angin ram tibuaituah angin action la turin an vau a ni.
He vau thu hi Military council thunun MRTV-ah March 1 zan khan a puan thu hriat a ni.
Zirlai nu leh pa te hian a chhehvel boruak an zah lo emaw hre thiam lo pawh ni se, ram tibuaituah ngaiin dan anga an hrem dawn thu an thuchhuahah an tarlang a ni.
Military council te hian zirna lamah chauh an vau lova, human right dan kalhin zalenna thlengin an khap a ni tiin NLD, MP pakhat Dr.Bio (Soe Win Oo, (Su Win U) chuan a sawi a ni.
“Military council tih dan hi thil danglam vak pawh a ni lo. Myanmar mipui te a vau a ni ber a, A ram mipuite zalen a khap a, human right dan an palzut a, mipui an sawisa a ni ber mai” tiin Dr. Bio chuan a sawi a ni.
Heng zirlaite hian Military council thunun school-ah zir turin leh Military council te hriatpuina hmanga hming inpe theuh turin an sawi a ni.
“Eng tiangin min vau mah se, kan hlau hran lo. Kan fate zirna tur hian tih dan kawng hrang hrang an awm tho ang. Military council school-ah kan zirtir loving” tiin zirlai nu leh pa pakhat chuan Mizzima Media a hrilh a ni.
“NUG sorkar hriatpui Free Online Education Institution Myanmar (FOEIM)-ah hian zirlai mi 500 chuang an awm thu an hriat avangin Military council ten an vau thu hriat a ni.
FOEIM zirna school chungchang thu a darh tak avangin March 1 atangin khar a nih dawn thu FOEIM ten thu an chhuah a. a leakout-na chhan erawh eng mah tarlan a ni hran lo.
Kum 2022 July thla khan Kaung for you, online zirna school-a a headmaster U Kaung Taih Soe leh U Win Bo, nU Tan Zin Thaih te Military council ten an man tawh thu hriat a ni.
Myanmar Military council ten thuneihna an lakh nu hian Military council dodalin NUG sorkar chuan online hmanga zirna school a buatsaihnaah an zir thin a ni.
