Chin State, Matupi khawpuiah Military council hnuaia pawl 10 Exam March 8-ah an tan dawn a.
Matupi township-a pawl 10 exam turte Military council Tectical Operation Command-in Kyats 15000 theuh a pek thu hriat a ni.
Matupi khawpuiah February 6 atang khan pawl 10 exam tur hming an pe tan a, endik hle an nih dawn thu hriat a ni.
Tun atanga rei lo teah Matupi khawchhungah pawl 10 exam chhungin kawng zawng zawng kar vek a nih dawn thu thuthang a awm tawh a. March 5 zan khan Matupi khawchhungah Military council sipai ten zanlaiah khawchhung an fang kual a. Tun thleng hian eng mah boruak a la awm rih lo. Tualchhung mipui te chuan PDF ten Drone hmangin an enthla mek niin an sawi a. Matupi khawpuiah Military council sipai ten ei leh in turah an dan chah avangin kohhran tangrual ten an buaipui thu hriat a ni.
Matupi khuaa rawn thleng thar District Administrator U Kyaw Ngeing chuan “Keini chu Thlawhnain ei in tur min pe ang a, nangni mipuite chu in nghei ang” tiin mipui hotu te hnenah an tawng el thu hriat a ni.
