Magwe region, Pauk township Ongtaw Taung Su khua leh Ongtaw Hyuak Su khua-ah March 11 tuk khan Military council sipai ten an luhchilh a, In 70 chuang an hal thu tualchhung mi ten an sawi a ni.
Military council sipai ten March 11 atang khan khawchhung ten fai hna an thawhnaah Pauk township, khaw 14-a tualchhung mi 6000 chuang in leh lo an tlansan thu hriat a ni.
He bakah hian Ongtaw Taung Su khuaa Ko Myint Thein leh Ongtaw Hyuak Su khuaa Ko Yan Naing te Military council sipai ten an man thu hriat a ni bawk.
Chenna in an halsak avangin in leh lo tlansan ten ei in an harsat thu tualchhung mi pakhat chuan heti hian a sawi.
“Vawi 4, an halna a ni tawh a, hemi tuk hian In 70 chuang an hal ral vek a. Ongtaw Taung Su khuaah In 53 leh Ongtaw Hyuak Su khuaah In 13 an hal ral a, tualchhung mi 200 chuang ei in tur nei lovin an awm” tiin a sawi a ni.
February thla khan Ongtaw Taung Su khua leh Ongtaw Hyuak Su khaw bulah Military council sipai ten khawchhung then fai hna an tawhnaah PDF te nen inkahnaah Military council sipai thi leh hliam an awm nual thu tualchhung mi ten an sawi a ni.
He inkahna chungchangah Magwe rerion, Military council thupuangtu U Soe Paing Mynit, RFA media ten an phone-naah chhana a awm rih lo a ni.
Military council ten thuneihna an lak hnu hian Myanmar north west hmunah mi nuai 9 chuang (915000) chuang in leh lo tlansan an awm tawh thu UN tanpuitu pawl UN OCHA chuang an thuchhuahah an tarlang a ni.
Chenna in hal zat chungchangah February 10 thlenga Data For Myanmar ten an chhinchhiah dan chuan kum 2023 Janruary 31 thleng khan Magwe region-ah In 8863 an halchhiat tawh thu an tarlang a ni.
