Kayin Ni State, Demoso township chhuah lam zarah Military council sipai ten operation an beihnaah tualchhung mi singkhat (10000) chuang in leh lo an tlansan thu raltlan tanpuitu zinga thuneitu ten an sawi thu hriat a ni.
“Ni 3 chhung Military council sipai ten an beihnaah khaw 10 chuanga tualchhung mi te an tlanchhia a, a zat chiah hriat chian a ni lo. Ralthuam lian leh Thlawhnain an bei” tiin raltlan tanpuitu zinga U Zaw Min Thaih chuan Mizzima Media a hrilh a ni.
Military council sipai 100 rual ten March 11 atangin 13 thleng khan Demoso khaw chhuah lam zar atang pawl 3-in kawng tluang an bei a, chenna in an hal nual a, ralthuam liana an beih nasat thu hriat a ni.
Heng avang hian khaw 10 chuanga tualchhung mi 10000 chuang in leh lo an tlansan nual thu hriat a ni.
Kayin Ni State, Demoso township-ah Military council sipaite leh tualchhung PDF Kayin Ni KA, KNDF tangrual te nen an inkah avangin raltlan tam tak ten ei inah harsatna an tawh nual a, tanpui an ngaih thu hriat a ni.
Military council ten thuneihna an lak hnu atangin Military council sipai ten operation an neihna Kayinni (Kayah) State pumpuiah raltlan mi nuai 2 vel an awm thu raltlan tanpuitu ten an sawi a ni.
