Myanmar Military council sipai ten thuneihna an lak a an hmalak zel theih nan tiin PDF te an zai hlum a, Pinlaung khuaa tualchhung mi 28 a huhoin an that a, chung lam Thlawhnain an bomb bakah chenna in an hal nasat hle thu UN Special Envoy Myanmar Noeleen Heyzer chuan a sawi a ni.
March 16-a an neih, United Nations General Assembly-ah UN Special Envoy Myanmar Noeleen Heyzer chuan ram hrang hrang palai kal khawm te hmaah heti hian a sawi a ni.
“Military council sipai ten ethic group te a bei nasa hle a. Shan State chhim lam Buddhist school-a mi 28 a huhova an thah thu kan hria a. Chin hruaitu te nen kan inkawmnaah Chin State township 8-ah Matial Law an puang hnuah tualchhung mi te chung lam leh ralthuam lianin an beih bakah chenna in an hal chhiat nual thu kan hria a” tiin United Nations General Assembly-ah a sawi a ni.
Myanmar-ah Democrary kawng an zawh lai khan new generation ten zalenna an tlem ve tan tawh a. A hnuah ralthuam keng dinhmunah an thleng leh ta a ni.
“Military council sipai ten mipui te an nekchep laiin Myanmar mipui ten tharumthawhna tel lova ralthuam kengin an hmachhawn mek a. Military council sipai ten thuneihna an lak hnuah mipui ten harsatna an tawk nasa hle a ni” tiin a sawi zui bawk a ni.
Myanmar-ah hian mipui chhawmdawl ngai maktaduai 17.6 chuang an awm a, mi maktaduai 1.6 chuang an raltlan tawh a, chenna in 55000 chuang an tihchhiat tawh thu US secretary palai chuan a sawi a ni.
NUG leh Military council-te inkarah inbiak remna a awm hmel loh thu a sawi bawk a.
“Ka hmuh dan chuan mahni tan theihtawp an chhuah ve ve a, inbiak remna kawng a awm hmel loh” tiin UN secretary palai chuan a sawi a ni.
UN Security Council chuan Myanmar-ah tharum thawhna tihtawp a nih thuai nan te, Daw Aung San Suu Kyi leh President U Win Mynit Jail atanga chhuah zalen thuai a nih theih nan te ruahman a ni tawh a. Myanmar Military council sipai ten zawm duh lovin March 13 khan closed-door meeting an buatsaih a ni.
