Kumin 2023 February thla khat chhungin Myanmar-a State leh region 9-ah chenna in 5152 an hal chhiat thu Data For Myanmar ten March 19 khan an thuchhuahah an tarlang a ni.
Heng zingah hian Sagaing region-ah In 4666 hal chhiain a tam ber a, Tanintari, Magwe, Madalay region-ah in 100-200 chuang leh Chin, Kachin, Mon, Shan(Chhim lam), Kayin leh Pago (Chhuah lam)-ah an hal chhe nual bawk a ni.
Matial Law an puanna Sagaing region, Swebo (Sui Bu) township-ah February thla chhung khan In 1198 hal chhiain an tam ber a, A Ya Taw township-ah In 1045 an hal chhiat bawk thu Data For Myanmar chuan a tarlang a ni.
March 17 khan Watlet township, Tama Yo khuaah Military council sipai ten an luhchilh avangin In 175 an hal a, kum 75 mi vel a boral thu tualchhung mi ten an sawi a. He khuaah hian Military council sipai ten chet nasat an tum thu PDF ten an sawi bawk a ni.
Sagiang region-a PDF te leh kawngzawh pawl ten, an In hal tak te chhung tan, awm lailawkna tur Bawkte an khawhsak mek thu an sawi a ni.
Tualchhung in an hal chhiat chungchangah Military council sipai ten thuchhuah eng mah an la chhuah lova. Military council thupuangtu Major General Zaw Min Tun chuan tualchhung in hal chungchangah anmahni hal a nih loh thu RFA Media a lo hrilh tawh a ni.
Data For Myanmar ten an chhinchhiah dan chuan Military council ten thuneihna an lak hnu, February thla chhung hian Myanmar hmun hrang hrangah chenna in 60459 an hal chhe tawh thu an tarlang a ni.