Military council sipai ten thuneihna an lak hnu hian Chin State-ah ralthuam an chelek nasat avangin thlawhhma laknaah buh tuh leh thlai dang eng mah hma an lak theih tawh loh avangin harsatna an tawh zual thu hriat a ni a. Hemi chungchang chhui mek Khin Maung Soe chuan, Chin State atanga India-a raltlan CDM zirtirtu hmeichhe pakhat leh human right pawla thuneihtu an zawt a.
Chin State-ah Military council sipai te leh CDF, CNF tangrual te an inbeihnaah Thantlang township, Matupi township leh Mindat township-a tualchhung mi te an tlanchhiat nual avangin an kir leh ngam lova. An tih danphung pangngai angin thlawhhma an la thei rih lova. Hmanni lawk pawh khan India ramri-a raltlan Matupi Chin zirtirtu CDM-a lut Mai Malsawmii chuan heti hian an sawi a ni.
“Thlawhhma lak a awm tawh lova, kan tlanchhe kual a ni ber mai. Military council sipai te an chet avangin thlawhhma an tlansan vek a, Yangon, India leh Malaysia lamah an tlanchhe nual a. Bomb leh ralthuam lian an hmang reng a, CDF leh PDF te an awm tih an hriat avangin chenna in an hal chhe nual a. Tualchhung mipui an tlanchhiat nual avangin thlawhhma an la thei lova, Mindat lam an nasa lehzual a. Thantlang ang bawkin Military council sipai ten an chenchilh reng a, ramhnuaia thlaihnah ringin an la awm nawk nawk a ni.
