Myanmar Military council tana Russia-in an puih theihna kawng a awm lova, Russia-in Myanmar a puihna chungchangah thil pawi tak a nih theih thu south east Asia-a zin chhuak mek US Foreign minister counsellor Derek Chollet chuan Zirtawpni khan a sawi a ni.
Myanmar-ah Military council sipai ten thuneihna an lak hnu hian ramchhung dinhmun a chep zel a, heng karah hian Russia ten Myanmar tan an puihna chungchangah ngaih a that loh thu counseler Derek Chollet chuan a sawi a. Russia-in an puihna kawng an awm lova, Russia nen an dawr chungchangah Myanmar ram a that loh chungchang sawi zel a ngaih thu Rauter news leh an inbiaknaah a sawi a ni.
Russia leh Myanmar kum 2 meuh an indawr tawh chungchangah ngaih a tha lo hle a, tun hnuah an indawr leh nasat zual thu kan hmu a. Hmanni lawk pawh khan Russia Defence minister leh foreign minister te Myanmar-ah an zin tawh a, Myanmar Military council puipa ber General Ming Aung Hlaing pawh Russia-ah an zin tawh thu hriat a ni.
Myanmar chungchangah US counseler Chollet chuan Democracy kawng an zawhnaah ASEAN ten theih thawp an chhuah a tul thu a sawi a.
Nilaini khan Myanmar-ah ralthuam tawlh luh chungchangah titawp thuai turin Derek Chollet chuan Indonesia, Jaccata chanchinbu mi te hnenah a sawi a ni.
