Taninthari (Ta Nin Ta Ri) region, Launglone township, Kayingyi khuaa Phyusawhti camp, PDF Battalion te ni 2 chhung an beihnaah Military council sipai leh Phyusawhti sipai 16 an thih thu Launglone township PDF Battalion-a thuneitu pakhat chuan Yangon Khit Thit Media a hrilh a ni.
March 6 zing dar 7:15 vel khan Launglone township, Kayingyi khuaa Phyusawhti camp, PDF pawl ten an bei a minute 5 chhung an inbeih tawnnaah PDF pawl ten 40 MM-in vawi 40 bakah sniper-a an beih avangin Military council sipai 2 an thih thu hriat a ni.
Phyusawhti camp puitu Navy ten Lawnga an kal lai PDF sipai ten Maung Ma Kan khuaa Maung Ma Kan camp, 40 MM-in vawi 10 chuang an kap a. He inbeihnaah hian Phyusawhti sipai 6 an thih thu hriat a ni.
March 7, zing dar 9:30 vel khan Military council sipaite leh PDF te an inkap a. Military council sipai 60 rual ten Kayingyi khua Phyusawhti camp an thlen hnu zing 10;00 velah Kyauk Se khua leh Maung Ma Kan khaw inkarah an inbei a, Vigo motor an bomb-naah sipai 10 an thih thu hriat a ni bawk.
Heng Military council sipaite hian Kayingyi khuaa chenna in 6 an hal a, camp-a hliamte an man hnu chawhnu dar 3:00-ah camp an kirsan a. A hnuah PDF sipai ten Phyusawhti camp-ah then fai hna an thawh hnuah an hal a, zan dar 9:00 velah Maung Ma Kan camp, 80 MM-in vawi 7 an beih hnuah an kirsan leh a ni.
“Military council sipai ten March thla chhung khan min bei a, a khawpumin an hal a. PDF te hmun him lamah an insaseng avangin tunah kan post thei ve chauh” tiin Launglone township-a NUG mipui veng himtu pawl, LLPDF pawl zinga thuneitu pakhat chuan a sawi a ni.
He inbeihnaah hian Launglone township NUG PDF, LLPDF, Guerilla Revolutionary Foece-DGRF company 4, (Dawei, NUG, PDF) leh Yephyu People Defence Force-YPPDF tangrual ten an beih rawn thu hriat a ni.