Chin State, Mindat township-ah Military council sipaite leh CDF-Mindat-te inkahnaah Military council sipai 18 an thih thu hriat a ni.
Mindat township, Circuit No. 1-ah April 7 tuk zing dar 7:30 atangin chawhnu dar 6:00 hnu thleng an inkap nasa hle a, Military council sipai 15 aia tlem lo an thi a, CDF sipai pakhat a hliam thu CDF-Mindat ten an thuchhuahah an tarlang a ni.
He inbeihnaah hian Military council sipai ten Jet Fighter-in vawi 8 an bomb thu hriat a ni a. Hemi hnu April 10, zan dar 6:00 vel khan Mindat khaw kiang mel 9 vela hlaah an inkap nawn leh a, Military council sipai 3 an thih thu hriat a ni bawk.
Military council sipai ten April 11 zan dar 7:46 khan Jet Fighter 2-in Mindat township No. 1 khaw kiang leh a chhehvel khuaah bomb vawi 4 an thlak a. Buddhist school leh chenna in pakhat a chhia a, tualchhung mipui thi leh hliam an awm loh thu CDF-Mindat ten an thuchhuahah an tarlang a ni.
