Chin state Halkha khuaa ration leh ralthuam phur military council tank 2 telin motor zawng zawng te Falam-Hakha kawng inkarah CDF pawlin an tihchhiatsak theih thu hriat a ni a. Falam-Halkha kawng inkara inkahna chungchangah Chin National Front/Army thupuangtu Salai Thetni, Khonumthung media-in a interview-na lo tarlang ila.
Zawhna:
Falam-Halkha kawng inkarah military council leh Chinland Defense Force ho inkarah inkahna thlen dan min hrilh fiah thei em?
Chhanna:
March ni 7, 8 atanga Kalay atanga rawn chho sipai motor inzui chuan Kalay atangin Falam a paltlang a, Falam atangin Halkha sipai awmna hmun panin a rawn chho a. A nihna takah chuan ration leh ralthuam supply a tum a ni ber a. Chu chu fur huna indo-naa hman tur a nih hmel. Kawng tluanin keini leh CDF pawlin kan lo bei a, an motor zawng zawng kan tihchhiatsak theih bakah sipai tank 2 telin lei laihna khawl, ke 6 leh ke 12 nei motor-te chu Halkhaah an lut thei tawh dawn lo a ni.
Zawhna:
A nih chuan Chin Hill lama chho sipai motor zawng zawng te CDF pawlin an tichhe vek tihna a ni maw?
Chhanna:
Aw tiin a chhan theih ang. Tunah chuan Chhuncung an thleng tawh a, chutah chuan tank pakhat leh civil motor 7 vel chiah a bang tawh a. Chungte pawh chu kan tichhe leh vek tawh a. Halkha lut thei pakhatmah a awm tawh lo.
Zawhna:
Military council sipai motor inzui chu CDF pawlin engtin chiah nge an beih a, an tichhiatsak theih?
Chhanna:
Anni chuan an motor security chu ngaipawimawh berin, ding leh vei, a hung leh a hma lamah awm hmun an la vek a. Chu motor inzui chu hnung lam atangin kan hnaih thei lo. Kan hnaih theihna chin atangin drone kan hmang ber a. Bomb pawh kan hmang nasa hle. Tin, motor venhimna latute chu kawng chhak leh thlang atangin kan lo lambun a, kan bei bawk a ni.
Zawhna:
Kalay-Halkha kawng chu ni khat kal lek a ni a. Tunah chuan military council sipaiten thla 1 chuang an hmang tawh a, inkahna a chhuak reng bawk, engzat chiah nge thi tawh ang?
Chhanna:
Keini lam chuan chiang taka finfiahna nei lo mah ila, force 200 zingah, tunah hian 40 vel chauh an bang tawh a. Mahse, sipai dang zawng chu an thi ta vek tihna a ni lo. Thi chu 100 chuang vel atanga 200 vel an ni ang, a bak chu hliam tuar leh damlo te an nih ang, 100-ah 70 vel thiin angin a sawi theih awm e.
Zawhna:
Thil dang sawi belh duh i nei em?
Chhanna:
Aw, kan sawi belh duh chu Martial Law puan a nih hnuah, kan sawi fo angin, mipui lam chu tum nei takin an chei bawl a, hei hi tun hma atanga an lo chin dan a ni a. Kan mipuiten an meihal avangin channa nasa tak an nei a, chungah chuan kan rilru a nuam lo hle. Mahse, kan duh leh mipuite duh chu insehruh a, a tawp thlenga inkah bak chu CDF, mipuite telin duh thlan tur a awm chuang lo. Thil tih tulte chu kan tichhunzawm zel dawn a ni.
