Myanmar sipai ten NewYork khawpuia Myanmar UNO Ambassador U Kyaw Moe Tun aiah mi dang dah an tum thu hriat a ni a. Washinton DC-a US, Myanmar Embassy chuan Military Attache Colonel U AungTuRain chu U Kyaw Moe Tun aiah dah a tum thu, thuchhuah siamin Military Council Forgein Minister U WaNah Maung Lun chuan kar kal taa Washinton Post-ah a thawn thu, Washinton Embassy-a CMD-a lut ta U Kyaw Swa chuan RFA a hrilh a.
He mi chungchang hi kar kal ta lawk kha a ni a, he lama Myanmar Embassy atangin Ambassador U Auang Linn-a pawh a inhnamhnawih ka ring a. Washinton DC-a Ambassador U Aung Linn-a chu zawhna chhangin ‘Heng thu hi a dik a, UNO General Secretary hnenah thuziak thawn a nih thu a sawi a. UNO paw’n rem a tihpui ka ring a ti a.
UNO-ah hian Credential committee a awm a, chu chuan thutlukna a siam dawn a. Nimah sela, tuna chelh mek Kyaw Moe Tun-a hi UNO chuan September thla thleng hna chelh turah thutiam a neih tawh avangin a hun zawh hnu chauhah hmalak a theih dawn thu U Kyaw Swa Tun chuan a sawi a.
Dik taka sawi dawn chuan Ambassador U Kyaw Moe Tun-a hi UNO nemnghhat a nih angin September thla thleng hna a chelh dawn a, chumi kara mi dang inrawh hi chu tih danphung pawh a ni lo reng reng.
London-a Myanmar Ambassador U Kyaw Swa sipai sorkarin an dah angin Ambassador U Kyaw Moe Tun pawh hi NewYork Ambassy palaite inah an luh a thiang bik lo ang tiin U Kyaw Swa Tun chuan ngaih dan a siam ve thung a ni.
NewYork-a Myanmar Embassy chhungah hian tun hma atang rengin chhungkaw khat chauh an khawsa thin kha a ni a, tunah chuan staff dang pahnih an awmtir leh ta a. Hei hi Ambassador U Kyaw Moe Tun-a thuneihna laksak angah ka hmu a.
A phena awm pakhat chu Kyaw Moe Tun kaltlanga Ambassy thuneihna lak tum ang ni vek lo mah se, AungTuRain-an a phulchil anga ngaih theih a ni.
U Kyaw Moe Tun aia an dah tum Colonel AungTuRain hi Pathianni kal taah khan Washinton atangin NewYork Embassy office-ah kalin staff-ho nan an titi thu hriat a ni a. Chumi zan atang chuan Secretary of a government (1) U KyawZiYah leh U ZawZawAung te pawn an va riahchilh nia hriat a ni bawk a. Tunah rih chuan NewYork-a Myanmar Ambassy Office-ah Democracy thlawptu mi 4 te hi full time-in an thawk mek a, Ambassador U Kyaw Moe Tun-a hi an vil veng mek a ni.
Tunlai velah hian Washinton DC-a Myanmar Ambassy Office atanga CDM lut mi 6 zinga, Myanmar-a lut ta Secretary of a government (2) U
ZinPhongTin chu Military council ten an dil chhut mek niin U Kyaw Swa Tun chuan a sawi a.
Washinton-a la chambang mi 5 zinga pakhat chu CDM ata chhuak lehin Embassy-ah a thawk leh a, mi dang 4 te chu Military council ten May ni 6, 2021 khan an hna atang an ban bawk a. Heng thu kal kual vel hi chu impuni lamin ngaih dan siam turin Ambassador U Aung Linn chuan RFA a hrilh a ni.
