Chin State, Mindat township khaw hrang hranga Jet Fighter-a bomb thlaktu Military council sipai that thei an awm chuan Kyats nuai 500 man hu hmun ram a thlawna pek an tiam thu CDF-Mindat ten an puangzar a.
Kumin January chawlhkar khat atang khan Military council sipai ten mipui pawi sawi lo te Thlawhnain an bomb chiam a. Hetia an bomb nasat avangin tualchhung mipui pawi sawi lo thi leh hliam bakah in leh lo tlansan a awm nual a. Hetia mipui chunga Thlawhnaa bomb thlaktu Pilot (Thlawhna kalhtu)-te hi chhui mek an nih thu CDF-Mindat ten an sawi a.
Hetia an chhuina atangin April 16-a Mindat township Panpa khuaa Jet Fighter 2-a bomb-tu Major Nyi Win Kyaw leh Major Thet Linn Maung te hi Military council ten thuneihna an lak hnua Pilot an rin berte zinga mi an nih thu CDF-Mindat ten an thuchhuahah an tar lang a ni.
Heng Pilot 2 te hi Naypyitaw khawpui, Tadar Oo leh Hmawbi township, hmun 3 vela Yak operation hotu Lieutenant Colonel Ye Zaw Naing hnuaia thawk te an nih thu an tar lang bawk.
Chuvangin Mindat township, khaw hrang hrang tin zawna bomb thlaktu Lieutenant Colonel Ye Zaw Naing leh a hnuaia thawk Pilot 2 te that chiang ngeitu pawlte an awm chuan Kyats nuai 500 man hu, chawimawi nan hmun ram pek an nih dawn thu Chin Defensed Force-Mindat ten an thuchhuahah an tar lang a ni.
