Myanmar ram chhungah Thlawhna tui tawlh luh chungchangah titawp tawh turin Britain company 5 te, Burma Campaign UK ten Zirtawpni khan an ngen a.
Britain company 5 te hi UK P&I, Steamship Mutual, Britannia P&I, North Standard, Shipowners Club te an ni a. Heng company te hian Myanmar-ah hriatpuinain Lawng lianin Thlawhna tui an tawlh luh thin a.
Heng company lian ten Myanmar-ah Thlawhna tui an tawlh thin avangin Military council sipai ten mipui chungah Thlawhna hmangin an bomb theih phah anga ngaih a nih avangin Burma Campaign UK, Director Mark Farmaner chuan a sawi a ni.
Hriatpui tel lovin Lawmpui hmanga Myanmar ram chhunga Thlawhna tui tawlh luh a theih loh thu Mark Farmaner chuan a sawi zui bawk.
Military council ten February 1 atanga thuneihna an lak hnu hian ram chhung thunun vek an tum a, chung lam Thlawhnain mipuite a bomb bakah Damdawi in (Clinic), zirna school, chenna in, Sakhaw hmunpui in leh a chhehvel leh raltlan camp thlengin an bomb thin thu Burma Campaign UK ten April 19 khan an thuchhuahah an tar lang a ni.
April 11 pawh khan Sagaing region, Kanbalu township, PaZinGyi khuaah Military council sipai ten Thlawhna hmanga an bomb-naah naupang 40 telin mi 170 vel an boral tawh bawk a ni.
