Sagaing region, Kalaymyo chhim lam KyanTa khuaa buk inkhuar Military council sipaiten April 28, chawhnu dar 6:00 vel khan TinTa khuaah ralthuam lian an kap nasa hle a, mei khu bomb an kah avangin tualchhung mi 3 an hliam a, hliam zinga pakhat a nat zual thu tualchhung mite hnen atanga hriat a ni a.
Hetia Military council sipaiten TinTa khua an bomb avangin chenna in 4 a chhiat thu hriat a ni a.
Hmanni lawk pawh khan HanTaWaDi khuaa Military council sipai buk khuar ten a chhehvel bakah Leilet hmun velah ralthuam lian an kah nasat avangin chenna in thenkhat a chhe nual a, khawchhung mite an tlanchhiat nual thu hriat a ni bawk.
Tun dinhmunah hian Kalaymyo leh a chhehvelah Internet leh Phone signal a chhiat mek thu hriat a ni.
