Sagaing region, YwaMaTa khuaa mi 7 Military council sipaiten an thah hnuah TaEiTe khua an hal thu tualchhung mite leh Revolution pawl ten Yangon Khit Thit Media an hrilh a.
April 30 zan khan Military council sipaiten YwaMa khua an luh chilh a, Buddist sakhua sikul hmunpuia tualchhung mipui 50 an man zingah mi 7 an thah thu hriat a ni a.
May 1, zing dar 6:00 vel khan Military council sipaiten LeGyi khuaah an lut a, LeGyi khua leh YwaMaYwa (Yua Mah Yua) khaw inkarah Revolution pawl te nen an inbeih hnuah zing dar 6:30 khan TaEiTe khua luh chilhin chenna in an hal a. TaEiTe khua atangin zing dar 8:30-ah MaungThong khua luh chilh lehin an hal chhunzawm thu hriat a ni bawk.
“Sagaing khawpui YwaMa khuaah Military council sipaiten an luh chilh a, Monastary hmuna mipui an man zinga mi 7 an that a. May 1 tuk khan TaEiTe khua an hal hnuah MaungThong khua an hal leh” tiin tualchhung mipuite leh Revolution pawlten an sawi a ni.
May 1 khan Sagaing township YwaMaYwa khua atanga chhuak Military council sipaiten TaEiTe khuaa chenna in 8 an hal a, tualchhung mi pakhat a nghawng an zai hnuah a pum an zai hnu, ruang an hmuh thu tualchhung miten an sawi a ni.