India, Manipur State-ah Meitei leh Zo hnahthlak Kuki, Paite (Mizo) te inkarah May 3 khan buaina a chhuak a, Myanmar ramri Moreh khawpui khaw hrang hrangah In an hal a, District 5-ah zan curfew an puan thu hriat a ni a.
Manipur State sorkar ten Kuki leh Paite-te awmna tlang tluan chhehvel hi ramngaw hmunah a ruat avangin chumi lungawi lo avanga buaina chhuak niin an sawi a.
He an dan siam avangin Zo hnahthlakte chenna khaw hrang hrang tlang tluan chhehvel hi sawn chhuahtir vek dinhmunah an ding mek a.
Heng avang hian May 3 tuk khan State chhung hmun hrang hrangah Kuki, Paite leh Nanga ten kawng an zawh nasa hle a, Chawhnu lam khan Meitei ten Paite awmna Imphal District Kangvai khua an hal a, naupang pakhat a kang hlum bawk a ni.
Myanmar ramri Moreh khawpuiah pawh Kuki ten kawng zawhin Moreh khaw lu-a Bazar an hal bakah silai ri hriat nual a ni a. Heng avang hian Manipur State, District 5-ah zan curfew puan a ni a, ni 5 chhung internet khar a nih dawn hriat bawk a ni.
Manipur State sorkarina tlang tluana Zo hnahthlak awmna thiah vek an tum chungchangah Mizoram State-a zirlai insuihkhawm pawl leh tlawmngai pawl thenkhatten an dem hle thu an thuchhuahah an tar lang bawk a ni.
