All Burma Students’ Democratic Front (ABSDF) opreration pawl 3 leh PDF tangrualten an beihnaah Military council sipai 61 an thih bakah ralthuam an laksak nual thu ABSDF Column-3 ten an thuchhuahah an tar lang a.
Heng Military council-te hi All Burma Students’ Democratic Front (ABSDF) pawl 3 te leh an hnuaia Battalion 2 te, Chindwin Battalion Magwe region leh Sagaing region PDF Battalion te, Local PDF te leh NUG PDF tangrualten an beih rawn thu hriat a ni a.
March 31-a ABSDF leh PDF tangrual pawlten an beihnaah Military council sipai 45 an thi a, mi 10 chuang an hliam bakah ralthuam G3 pali, G4 pakhat leh ralthuam tam tak an laksak nual thu hriat a ni.
Hetiang vek hian April 13 khan Gangaw khua, Myit Ta Myit tuipui atanga chhuak Military council sipai 70 chuang operation-te; Gangaw District PDF Batallion, Local PDF, NUG PDF tangrualten Gangaw khawpui SaingDu khaw kiangah an lo lambun a, Military council sipai 5 an thih thu hriat a ni bawk.
April 5 khan PaLe township ZiPhyuKone khua atanga KanThaut police station atanga chhuak Military council sipaite leh Phyusawhti pawlte Kan Thaut khaw kiangah ABSDF te leh NgyiNyaung (Ngi Ngong) tangrual pawlten an beih rawnnaah Military council sipai 4 an thi a. April 7 pawh khan Gangaw khua Khah Lah Yah (IB) 50 hmun atanga chhuak Military council sipai 100 rualte Gangaw township LaPuh khaw kiangah an lo kap a, Military council sipai 7 an thih thu hriat a ni bawk.
